Presidenti i Maqedonisë së Veriut shpërthen ndaj Bullgarisë – Shkak bllokimi i negociatave me BE-në për shkak të gjuhës

Presidenti i Maqedonisë së Veriut tha se vendi nuk do të kompromentonte identitetin e tij dhe të plotësonte një kërkesë nga Bullgaria me të cilën ka zhvilluar bisedimet për t’u bërë pjesë e Bashkimit Europian.

Bullgaria anëtare e BE ka bllokuar bisedimet e pranimit me Maqedoninë e Veriut dhe dëshiron që fqinji i saj të pranojë zyrtarisht se gjuha e saj ka rrënjë Bullgare.

“Anëtarësimi në ndonjë organizatë ndërkombëtare nuk ka vlerë nëse ju kërkohet të hiqni dorë nga identiteti juaj,” tha gjatë një fjalimi vjetor në parlament Presidenti i Maqedonisë së Veriut Stevo Pendarovski.

Kombi ballkanik u bashkua me NATO-n në fillim të këtij viti pasi kapërceu një mosmarrëveshje të zgjatur me një fqinj tjetër, Greqinë, duke ndryshuar emrin e tij nga Maqedonia në Maqedoninë e Veriut për të adresuar shqetësimet në Athinë rreth ambicieve të mundshme territoriale.

BE paralajmëroi kohët e fundit Bullgarinë se rrezikon të minojë sigurinë në Europën Juglindore nëse vazhdon të bllokojë bisedimet e anëtarësimit.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.