Presidenti i ri i Ukrainës – Putin: Tepër herët për të folur për bashkëpunime

Vladimir Putin ka refuzuar të përgëzojë presidentin e zgjedhur të Ukrainës, Volodimir Zelensky. Në një takim me gazetarët, zëdhënësi i tij Dmitri Peskov tha se ishte “tepër herët” për të folur për fitoren e Zelensky, ose për të komentuar rreth mundësisë së bashkëpunimit të ardhshëm.

“Ne i respektojmë zgjedhjet e Ukrainës, por legjitimiteti i këtyre zgjedhjeve është ende në pikëpyetje, duke pasur parasysh se 3.5 milion njerëz nuk ishin në gjendje të votonin“- shprehet ai.

Peskov me këtë deklaratë i referohej popullsisë së Ukrainës lindore që jetonte nën sundimin e formacioneve të armatosura të mbështetura nga Rusia.

Elefteria Zguri/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.