Presidenti Ilir Meta dekreton thirrjen e Kuvendit të ri të Shqipërisë – Ja kur do të mblidhet
Presidenti i Republikës Ilir Meta, ka dekretuar ditën e martë thirrjen e Kuvendit të Republikës së Shqipërisë.
Sesioni i parë parlamentar do të zhvillohet ditën e shtunë, më 9 Shtator 2017, në orën 10:00. Kjo mbledhje do të jetë e para e legjislaturës së 9-të të Kuvendit të Shqipërisë.
Ligji themeltar i shtetit sanksionon (neni 67), se Presidenti i Republikës e mbledh Kuvendin e porsazgjedhur jo më parë se data e përfundimit të mandatit të Kuvendit paraardhës, por jo më vonë se 10 ditë pas mbarimit të këtij mandati
Seanca e parë e sesion të tetë u çel më datë 10 Shtator 2013 dhe u drejtua nga deputeti Namik Dokle, pas refuzimit të deputetit më të vjetër në moshë, Sali Berisha.
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.