Presidenti Meta publikon grafikët: “Niveli i të ardhurave për frymë është ulur. Varfëria ndalon shpopullimin”
Presidenti Ilir Meta ka publikuar në rrjete sociale së bashku me grafikët përkatës shifrat e borxhit për frymë dhe të ardhurave për frymë.
Të dy këta indikatorë ekonomikë përdoren për të matur mirëqënien e një populli dhe teksa i pari, lidhet më shumë në nivel makro, ku një nivel i lartë borxhi konsiston në më pak investime publike, indikatori I dytë përdoret për të parë se sa para shkojnë direkte te qytetarët dhe fuqinë konsumatore që ata kanë.
Nëpërmjet grafikëve presidenti Meta tregon se borxhi për frymë rritet, ndërsa të ardhurat për frymë ulen. Sipas tij, lufta kundër varfërisë ndalon shpopullimin.
“Ndërsa borxhi për frymë rritet, të ardhurat për frymë ulen. Koha për një politikë të përgjegjshme ekonomike në interes të qytetarëve! Lufta kundër varfërisë ndalon shpopullimin! 🇦🇱”, shkruan Meta.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.