Presidenti Rouhani: Irani nuk do të luftojë kundër asnjë kombi
Irani nuk do të luftojë kundër asnjë kombi, tha Presidenti Hassan Rouhani të martën, një ditë pasi Shtetet e Bashkuara njoftuan vendosjen e më shumë trupave në Lindjen e Mesme mes tensioneve në rritje midis Teheranit dhe Uashingtonit.
Frika nga një konfrontim midis Iranit dhe Shteteve të Bashkuara është ngritur që nga sulmet në dy depozita nafte në hyrje të Gjirit të enjten, për të cilën Uashingtoni ka fajësuar Teheranin.
“Irani nuk do të luftojë kundër asnjë kombi”, tha Rouhani në një fjalim të transmetuar drejtpërdrejt në Televizionin shtetëror. “Ata që na përballen janë një grup politikanësh me pak përvojë.” Ai shtoi se, “Pavarësisht nga përpjekjet e amerikanëve në rajon dhe dëshira e tyre për të prerë lidhjet tona me të gjithë botën dhe për ta mbajtur Iranin të izoluar, ata kanë qenë të pasuksesshëm”.
Sekretari amerikan i Mbrojtjes Patrick Shanahan, njoftoi të hënën vendosjen e rreth 1,000 trupave të tjerë në Lindjen e Mesme për qëllime mbrojtëse duke cituar shqetësimet rreth një kërcënimi nga Irani.
Burimi: Reuters
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.