Presidenti Trump letër kryeministrit Rama: Pres të nënshkruajmë memorandumin mbi sigurinë 5G e të zhvendosni ambasadën në Jeruzalem
Kryeministri Edi Rama ka publikuar një letër që Presidenti i Shteteve të Bashkuara të Amerikës i ka dërguar, ku e falenderon për qendrimin që Shqipëria ka mbajtur për rrjetet e sicgurta të komunikacionit.
Në letër, Trump shkruan se pret që të nënshkruhet shpejt memorandumi i mirëkuptimit mbi sigurinë 5g mes Shqipërisë dhe SHBA-ve dhe se pret që vendi ynë të zhvendosë ambasadën në Jeruzalem.
Letra e plotë e Trump:
I dashur Z. Kryeministër:
Në emër të Shteteve të Bashkuara të Amerikës, unë dua t’ju falënderoj juve për lidershipin e Shqipërisë në rajonin e Ballkanit dhe nëpër Europë, për ekspozimin e ndikimit malinj të Kinës, abuzimet me të drejtat e njeriut dhe praktikat grabitqare të huazimit. Mbështetja juaj e hapur për rrjetet e sigurta të telekomunikacionit po jep një shembull të fortë dhe shpresoj që Shtetet e Bashkuara dhe Shqipëria të mund të nënshkruajnë së shpejti një Memorandum Mirëkuptimi mbi sigurinë 5G, i cili hap rrugën që edhe vendet e tjera në Ballkan të bëjnë të njëjtën gjë. Jam gjithashtu i kënaqur nga roli i fortë i Shqipërisë në Nismën e Tre Deteve – një alternativë transparente, e bazuar në treg dhe e drejtë, e formatit Kina 17 + 1 prej të cilit unë ju nxis të dilni.
Unë dua t’ju falënderoj që e keni mbështetur normalizimin ekonomik midis Serbisë dhe Kosovës dhe për mbështetjen tuaj të fuqishme të Marrëveshjeve të Abrahamit, hapi më domethënës drejt paqes në Lindjen e Mesme për këtë gjeneratë. Ju inkurajoj që t’u bashkoheni Shteteve të Bashkuara dhe të tjera kombeve evropiane në zhvendosjen e ambasadës suaj në Jeruzalem.
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.