Presidenti Vuçiç mandaton një grua në krye të qeverisë së re. Ana Brnabiç mund të jetë kryeministrja e re e Serbisë

Presidenti serb Aleksadër Vuçiç pritet t’i japë Ana Brnabiç mandatin për të formuar qeverinë e re.

Lajmi është konfirmuar nga Alesandër Vuçiç, në një konferencë për mediat në Beograd të enjten pasdite, ku ndër të tjera u vlerësuan nga ai aftësitë profesionale të saj.

Ana Brnabiç, e cila mban aktualisht postin e ministres së Administratës Shtetërore dhe qeverisjes lokale në kabinet do t’i jepet mandati për krijimin e qeverisë së re të Serbisë.

Presidenti Vuçiç tha se Brnabiç e informoi se ajo mund të sigurojë shumicën në Asamblenë Kombëtare, për votimin e qeverisë së re.

Gjatë fjalës së tij Vuçiç u shpreh se “Brnabiç është duke punuar shumë dhe ka cilësi profesionale dhe personale për këtë post. Ndërkohë jam i bindur se ajo do të punojë për të përmirësuar Serbinë”.

Brnabiç do të jetë gruaja e parë që do të drejtorë qeverinë serbe dhe kryeministrja e parë homoseksuale në Serbi.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.