Presion ndërkombëtar mbi Rusinë / Kryeopozitari Navalny arrestohet menjëherë pasi lë Gjermaninë
Alexei Navalny është paraqitur në gjykatë për herë të parë pas arrestimit të tij në aeroportin Sheremetyevo të Moskës, në mes të presionit në rritje ndërkombëtar mbi mosndalimin e udhëheqësit të opozitës ruse.
Në një video Navalny e quajti seancën gjyqësore “paligjshmëri të rendit më të lartë” dhe tha se një gjykatës po shqyrtonte një kërkesë nga një zyrtar i policisë për ta mbajtur atë në paraburgim.
Navalny u arrestua të Dielën në mbrëmje ndërsa u kthye në Rusi për herë të parë që nga një helmim i dyshuar nga FSB vitin e kaluar, duke rrezikuar lirinë e tij në një sfidë të drejtpërdrejtë ndaj Kremlinit.
Seanca gjyqësore u zhvillua në një stacion policie afër aeroportit.
Kira Yarmysh, ndihmësja e Navalny që postoi videon në internet, tha se vetëm gazetarët nga mediat miqësore të Kremlinit Rusia 1 dhe Lifenews u lejuan të merrnin pjesë.
Zyrtarë në SHBA dhe Evropë, si dhe aktivistë të shquar përfshirë Edward Snowden, u bënë thirrje autoriteteve ruse që të lirojnë liderin e opozitës.
Ministri i jashtëm i Gjermanisë, Heiko Maas, tha: “Rusia është e lidhur me kushtetutën e saj dhe me detyrimet ndërkombëtare ndaj parimit të shtetit të së drejtës dhe mbrojtjes së të drejtave civile. Këto parime, natyrisht, duhet të zbatohen edhe për Alexei Navalny. Ai duhet të lirohet menjëherë. ”
Navalny u ndalua në aeroportin Sheremetyevo të Moskës të Dielën, më pak se një orë pasi ai fluturoi nga Gjermania, ku ishte duke u rikuperuar nga helmimi me agjentin nervor Novichok që ai tha se ishte urdhëruar nga Putini.
Zëdhënësja e Navalny, Kira Yarmysh, tha në një postim në Twtter se Navalny nuk ishte lejuar të merrte një avokat në aeroport ose stacionin e policisë.
Dosti Banushi – SCAN
Burimi: The Guardian
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.