Presionet politike tek vaksina. Kompanitë përpiqen të sigurojnë publikun për sigurinë e injeksionit

Disa kompani farmaceutike që po konkurrojnë në prodhimin e një vaksine të koronavirusit, planifikojnë të lëshojnë një deklaratë publike në javën e ardhshme, ku do të shprehin se nuk kërkojnë miratim qeveritar deri sa të sigurohen se vaksina të jetë e siguritë.  Sipas Wall Street Journal, një draft i deklaratës së përbashkët premton t’i japë prioritet sigurisë së personave të vaksinuar.  Pfizer, Johnson & Johnson dhe Moderna, pritet të marrin pjesë tek ky premtim.

Kjo vjen ndërkohë që shkencëtarët dhe ekspertët e shëndetit  publik kanë shprehur shqetësime se administrata e Trump po vendos presione tek rregullatorët, që të autorizojnë një vaksinë përpara zgjedhjeve më 3  Nëntor.  Wall Street Journal shton se sipas deklaratës, kompanitë do të synojnë për autorizim emergjencë vetëm nëse ka prova të sigurisë në fazën e tretë të provave klinike. Megjithatë,  zyrtarë të administratës së barnave dhe produkteve ushqimore, si dhe këshilltari shëndetësori  qeverisë, Antony Fauci, kanë thënë së fundmi se faza e tretë e testimeve mund të përfundojë më herët nëse vaksina jep rezultate të forta.

Klevis Llaha / SCAN 

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.