Prezantimi në Kuvend, detajet e programit qeverisës! Angazhimet për ekonominë në 4 vitet e ardhshme
Parlamenti mblidhet sot për të votuar programin dhe përbërjen e qeverisë së re. në rendin e ditës është parashikuar që kryeministri Edi Rama të prezantojë përmbajtjen e programit qeverisës të 4 viteve ndërsa do të ketë edhe pyetje të deputetëve dhe diskutime. Në fund të diskutimeve do të bëhet edhe votimi.
Por çfarë parashikon programi qeverisës?
Në programin e Partisë Socialiste në themel qëndron sërish taksa progresive veçse këtë herë për pagat e larta që janë ato mbi kufirin 130 mijë lekë, taksimi do të jetë 18 për qind dhe jo 23 për qind siç është aktualisht.
Tatimfitimi për kompanitë e softëare do të jetë 5 për qind ndërkohë që dividenti do të taksohet në nivelin 6 për qind nga 15 për qind që është aktualisht.
Pagat e administratës parashikohet të rriten me 40 për qind kurse për pensionistët do të parashikohet shpërblim 7-10 mijë lekë çdo vit. Vendet e reja të punës që synohen të hapen në 4 vitet e ardhshme janë 220 mijë.
Projekti 1 miliard dollarë për investime të rëndësishme përmes partneriteteve publike-private mbetet një tjetër pikë e rëndësishme.
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.