Prezantohen oficerët e Byrosë Kombëtare të Hetimit / Kim, takim me drejtuesit e SPAK dhe BKH: Do kenë mbështetjen e plotë të SHBA

Pas përfundimit të procesit të trajnimit janë prezantuar 28 hetuesit e parë të Byrosë Kombëtare të Hetimit, të cilët tashmë do të nisin punën në terren për llogari të Strukturës së Posaçme Antikorrupsion. Ata janë përshëndetur nga Ambasadorja Amerikane, Yuri Kim, e cila zhvilloi edhe një takim me kreun e SPAK, Arben Kraja dhe atë të Byrosë Kombëtare të Hetimit, Aida Hajnaj. Pas takimit, Ambasadorja shkroi në Twitter se ata do të kenë mbështetjen e plotë të Shteteve të Bashkuara në punën e tyre. “U takova sot me Hetuesit e parë të BKH, të cilët janë duke përfunduar trajnimin. Puna e tyre është e rëndësishme dhe e vështirë, por ata do të kenë sukses. Njerëzit janë duke u mbështetur në ta; familjet e tyre krenohen me ta; do t’i mbështesë fuqimisht në luftën kundër korrupsionit dhe krimit të organizuar”, shkruan Kim.

Loren Rabeta – SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.