Prezantohet “Pakti për Universitetin”, ministrja e Arsimit jep detaje: Përgjysmimi i tarifave, përfitojnë 90 mijë studentë

Rreth 90 mijë studentë përfitojnë nga përgjysmimi i tarifave këtë vit. Ndërsa studentët që rezultojnë me 9 dhe 10, por kanë provime mbartëse nuk mund të përfitojnë nga bursat e ekselencës. Këtë deklaroi ministrja e re e Arsimit, Besa Shahini, gjatë publikimit të draftit “Pakti për Universitetin”. Drafti është një dokument prej 30 faqesh, i cili në ditët në vijim do t’iu paraqitet edhe universiteteve. Ministrja tha se pret komente dhe sugjerime.

Shahini dha detaje për secilën nga kërkesat e studentëve.

“Pika kryesore: Përgjysmimi i tarifave

Janë 90 mijë studentët që trajtohen më programin e ri. Ata që nuk përfitojnë janë studentët që bëjnë studime të dyta. Vitin tjetër do behet një rishikim. Ata që kanë nivele notash nën 6 nuk kanë për të përfituar. Në portalin “Jam student, kam një pyetje”, kanë ardhur rreth 400 pyetje. Ata që janë studentë të 9-10 por kanë provime të mbetura, nuk përfitojnë bursë. Nuk do ketë më nevojë për të aplikuar për bursa në bashki.

Infrastruktura: Infrastruktura nuk është trajtuar për një kohë të gjatë.

“Kemi filluar punën për rikonstruksionin e konvikteve. Deri tani kemi ndërhyrë në 10 konvikte. Kemi filluar të bëjmë një nisme, që na ka funksionuar edhe më parë “Adopto një konvikt”, deklaroi kreu i bashkisë së Tiranës, Erion Veliaj.

Transparencë dhe përfshirja e studentëve

Ne po ngremë një platformë ku do të publikohet në të gjitha informacionet, buxheti, bursat, kontraktorët, vendimet e ndryshme për secilin universitet.

Bordet e administrimit: Do të shkarkohen të gjitha anëtarët e bordit, dhe do të zgjidhen drejtues të rinj bordesh. Një përfaqësues nga ministria e Arsimit do të zgjidhet nga vetë studentët. Të gjithë anëtarët e bordeve zgjidhen nga studentët.

Këshillat studentorë: Nuk është në tagrin tonë, por ne do ti nxisim studentët të kryejnë zgjedhje studentore.

Transparencë e titujve akademik, doktoraturave. Do të krijohet një arkivë dixhitale, për të gjithë doktorantët, për të parë çfarë kemi dhe çfarë jo.

Cilësia e mësimdhënies: Do nis sondazhi, do e bëjë agjencia e sigurisë së cilësisë. Themelimi i një bibliotekë elektronike, kemi filluar bisedat me kontraktorë.

Karta e studentit: Me ligjin e ri, kara emetohet nga universitetet, secili ka specifikat e veta. Nëse nuk e bëjnë dot universitetet, të heqin dore. Do ta marrë përsipër ministria e Arsimit dhe Bashkia e Tiranës.

Shahini tha se ky draft ka ardhur si rezultat i një pune 6 javore të ish ministrave dhe ministrave aktual, si dhe një grup deputetesh që kanë diskutuar me studentë e pedagogë për gjitha problematikat e arsimit te lartë.

“Ketë diskutime dhe biseda kanë sjell këto një draft fillestar, “Pakti për Universitetin”. Ministritë kanë për marrëveshje me universitetet përkatëse, nga ministria e financave, arsimit, industrisë, bujqësisë, kulturës, shëndetësie, sipërmarrjes. Studentëve do t’iu jepet mundësi sipas degëve që studiojnë, që të kryejnë folloëship-e, intership, stazhe pranë këtyre institucioneve, por edhe punësim, sipas portalit”.

E.Z/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.