Prezantohet plani afatgjatë i Gjykatës Kushtetuese – Tusha: Do rrisim paanësinë, pavarësinë, llogaridhënien, eficencën, transparencën
Gjykata Kushtetuese ka hartuar dokumentin e parë strategjik për vitet në vijim. Hartimi i Dokumentit Strategjik shumëvjeçar dhe i Planit përkatës të Veprimit u mbështet nga Prezenca e OSBE-së, me kontributin financiar të Konrad-Adenauer-Stiftung. Kreu i Kushtetueses, Vitore Tusha tha gjatë prezantimit të planit, se Dokumenti Strategjik synon të rrisë paanësinë, pavarësinë, llogaridhënien, efiçencën, transparencën e Gjykatës dhe aksesin në të.
Kryetari i Prezencës së OSBE-së në Shqipëri, ambasadori Vincenzo Del Monaco, tha se strategjia shumëvjeçare do të kontribuojë në rritjen e transparencës e kthimi të besimit të qytetarëve te kjo gjykatë.
Gjykata Kushtetuese numëron tashmë 7 anëtarë dhe prêt plotësimin e trupës me 9 gjyqtarë në një kohë kur për shkak të mosfunksionimit të gjatë janë akumuluar një numër i madh çështjesh në pritje të shqyrtimit.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.