Prezantoi projektet për qarkun e Fierit, Rama: Programi i punësimit ndër detyrimet kryesore të qeverisë

Ditën e sotme, Kryeministri Edi Rama prezantoi projektet e reja nga Parku i Apollonisë. Gjatë prezantimit të tyre ai ritheksoi edhe një herë mungesën e profesionistëve.

Ai tha se programi i punësimit vazhdon të mbetet ndër detyrimet kryesore të qeverisë në këtë qark.

“Është me rëndësi të nënvizohet që përsa i përket programit tonë të punësimit, Fieri është një nga zonat ku numri i të punësuarve është më i larti. Është me rëndësi të nënvizohet se paketën e programeve për investimet për 3 vitet e ardhshme, theksi është te rritja e mëtejshme të punësimit”, u shpreh ai.

Kryeministri theksoi gjithashtu se ne kemi mungesë punëtorësh sa i përket profesioneve dhe se vijnë saldatorë nga vende të tjera të huaja për të përmbushur nevojat e tregut dhe kompanive.

“Punë ka po ska profesionistë është shprehja që e dëgjon nga çdo kompani, që kemi vende të lira pune, por na mungojnë profesionistët që mund të mbulojnë këto vende pune. Saldatorë nga Tajlanda, saldatorë nga Turqia, nga Pakistani, saldatorë nga fundi botës janë sot në Shqipëri dhe punojnë. Sepse kemi mungesë për saldatorë. Po jap vetëm një shembull, dmth vijnë nga Tajlanda, nga Pakistani, nga Turqia, nga Kina. Saldator kinez, dhe paguhen nga kompani shqiptare”, u shpreh kryeministri

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.