Prisnin kompensimin për ndërprerjen e energjisë elektrike – Kompania transferon triliona dollarë gabimisht në llogari të klientëve

Një firmë energjetike ka kërkuar falje pasi 74 klientë të goditur nga ndërprerjet e energjisë elektrike gjatë stuhisë Arwen morën aksidentalisht kompensim prej triliona paundësh.

Northern Powergrid po paguan dhjetëra mijëra paund për klientët e goditur nga ditët e ndërprerjeve në nëntor.

Por një numër me kode postare Halifax dhe Newcastle morën pagesa me shuma 13-shifrore.

Fotot e dërgesave të gabuara kanë qarkulluar në mediat sociale disa ditë pasi firma u kritikua se iu deshën muaj të tërë për të përpunuar kërkesat për kompensim.

Gareth Hughes, 44 vjeç, nga Hebden Bridge në West Yorkshire, ndau një foto të çekut të tij për më shumë se 2.3 trilion paund.

Hughes, i cili ishte pa energji për më shumë se tre ditë, tha se atij i ishte dërguar një çek i mëparshëm për 135 £, por ishte ankuar pasi iu tha se kishte të drejtë për më shumë.

Ai tha se çeku i ri e bëri të buzëqeshte, duke shtuar: “Por e dija se nuk ishte një vlerë që mund të ishte realiste”.

Një zëdhënëse për Northern Powergrid tha se një referencë e njehsorit të energjisë elektrike ishte cituar gabimisht si shuma e pagesës.

“Sapo identifikuam gabimin, siguruam që të 74 çeqet e klientëve të ishin ndalur në mënyrë që të mos mund të arkëtoheshin”, tha ajo.

Firma tha se gabimi ishte duke u hetuar dhe mendohet të jetë një incident.

“Falënderojmë ata klientë që u treguan të sinqertë dhe na kontaktuan dhe ne kemi kontaktuar drejtpërdrejt gjatë fundjavës me të gjithë 74 klientët e prekur për t’i ndërgjegjësuar, për t’u kërkuar falje për gabimin dhe për t’i siguruar që do t’u jepet një pagesë e saktë”, tha zëdhënësja.

Erërat e Strom Arwen rrëzuan pemë dhe linja elektrike në të gjithë rrjetin duke shkaktuar ndërprerje masive të energjisë, me disa prona në Northumberland dhe County Durham që iu deshën më shumë se një javë për t’u rilidhur.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.