Pritet një vaksinë e katërt në BE! EMA planifikon të miratojë vaksinën e J&J në fillim të Marsit

Rregullatori i Barnave në Bashkimin Europian, pritet të rekomandojë vaksinën e koronavirusit të Johnson & Johnson në fillim të Marsit, duke rritur dërgesat ndërkohë që qeveritë po hasin vështirësi në imunizimin e njerëzve.  Agjencia Europiane e Barnave pritet të japë dritën e gjelbër më 11 mars, sipas zyrtarëve europiane.  Kjo do të krijojë mundësinë për autorizimin e një vaksine të katërt të Covid-19, së bashku me Moderna, AstraZeneca dhe Pfizer.

Sipas burimeve për Reuters, agjencia po vazhdon të bisedojë me autoritetet ruse për vaksinën Sputnik dhe mund të marrin së shpejti të dhëna që do mundësojnë procesin e rishikimit.  Komisioni Europian ka thënë se dërgesat e J&J pritet të nisin në fillim të Prillit, duke shtuar furnizimet në T2 dhe T3.  Presidentja Ursula von der Leyen, prezantoi disa statistika përballë liderëve të BE më herët gjatë javës, ku projektohej një rritje gjigante e dërgesës së vaksinave në muajt e ardhshëm.

Edhe pse disa liderë, përfshirë kryeministrin Mario Draghi, kanë thënë se nuk janë të bindur për këto projeksione, analiza të pavarura nga disa kompanitë tregojnë se furnizimet do mjaftojnë për të vaksinuar 75% të popullsisë së rritu deri në fund të Gushtit.  Blerjet në avancë të J&J mundësojnë vendet anëtare që të kenë vaksina për 200 milionë njerëz, me një opsion për 200 milionë doza të tjera. Agjencia e Barnave po rishikon aktualisht edhe CureVac dhe Novavax.  Komisioni ka arritur marrëveshje fillestare për 225 milionë doza të CureVac dhe 100 milionë nga Novavax.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.