Privatizohen përfundimisht ish-Ndërmarrjet Bujqësore – Gati projektligji për zgjidhjen e problemeve të pronësisë për rreth 1,500 objekte,

Pavarësisht se procesi ka nisur prej dekadash, rreth 1,500 ish ndërmarrje bujqësore kanë mbetur pa u privatizuar për një mori problemesh. Shkak për të cilin Ministria e Bujqësisë ka hedhur për konsultim public një projektligj I cili krijon mundësinë e tyre për kalimin përfundimtar në pronësi të privatëve.

Rezultojnë rreh 1500 objekte, për të cilat nuk ka përfunduar procesi i privatizimit, ku mund të jetë një objekt i veçantë apo një pjesë e tij (këto objekte i përkasin ish NB-ve dhe ndërmarrjeve bujqësore të braktisura).

Për sa u përket dosjeve  të privatizimit ato ndahen kryesisht në 5 kategori: a)    Objekte për të cilët ka përfunduar procesi i vlerësimit, likuidimit dhe pajisjes me kontratë shitje nga ish Agjencisë Qendrore të Ristrukturimit dhe Privatizimit të ndërmarrjeve bujqësore;

1. b) Objekte për të cilët ka përfunduar procesi i vlerësimit dhe pajisjes me kontratë, por me likuidime të pjesshme ose të papaguara të vlerës së kontratës dhe jo të nënshkruara përpara noterit.
2. c) Objekte për të cilët ka përfunduar procesi i vlerësimit nga ndërmarrja, dhe është kryer likuidimi i plotë, por nuk është pajisur me kontratë  shitje nga ish AQRP të NB-ve.

ç)  Objekte për të cilët ka përfunduar procesi i vlerësimit nga ndërmarrja, dhe është kryer  likuidimi i pjesshëm, por nuk është pajisur me kontratë  shitje nga ish AQRP të NB-ve.

1. d) Objekte për të cilat nga ish Drejtoria e Ndërmarrjeve të Braktisura është hartuar një akt – dorëzimi i objekteve, dorëzuar personave privatë dhe për të cilat është bërë një vlerësim sipas akteve në fuqi për privatizimin;

Në projekt janë përcaktuar Ministria e Bujqësisë dhe Zhvillimit Rural (në vijim MBZHR) dhe Ministria e Financave dhe Ekonomisë (në vijim MFE) si autoritetet publik përgjegjës për zbatimin e këtij ligji dhe për koordinimin e proceseve në bashkëpunim me institucionet e tjera në varësi të saj, me qëllim përfundimin e procesit të privatizimit të objekteve të ish – ndërmarrjeve bujqësore në Republikën e Shqipërisë.

Po në këtë projekt parashikohet dhe procedura që do të ndiqet për përfundimin e procesit të privatizimit për këto objekte. Parashikohet se subjektet e interesuara paraqesin ne Ministrinë e Bujqësisë dhe Zhvillimit Rural kërkesën për përfundimin e procesit, ku kjo e fundit brenda një afati 5 ditor nga momenti i dorëzimit të kërkesës dërgon pranë Agjencisë Rajonale të Ekstencionit Bujqësor ose Agjencisë Kombëtarë të Mbrojtjes së Bimëve dhe Veterinarisë, të cilat pas verifikimit të dokumentacionit që ndodhet në arkivat e tyre, realizojnë me kontratë shitje sipas legjislacionit në fuqi për shitblerjen e pasurive të paluajtshme.

Lorenc Rabeta / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.