Problemet e vonesave me fluturimet – A mund ta shpëtojë teknologjia industrinë e udhëtimit ajror?!

Vonesat në aeroport janë kaq të zakonshme gjatë sezonit të pushimeve të dimrit sidomos gjatë gjysmës së dytë të dhjetorit. Për të larguar kaosin e afërt, linjat ajrore dhe partnerët po ndjekin tre pika kryesore të teknologjisë që synojnë menaxhimin e trafikut të aeroportit, tha Nina Brooks, drejtore e sigurisë, lehtësimit dhe IT në Aeroportin e Këshillit Ndërkombëtar (ACI).

-E para është largimi i disa shërbimeve nga aeroporti, siç është mbledhja e bagazheve në distancë. Për shembull, një shërbim për mbledhjen e bagazheve mund të marrë çanta/valixhe nga njerëzit në shtëpi, punë ose në një vendndodhje në qendër të qytetit para se ata të udhëtojnë. Pastaj, shërbimet përcjellëse do të funksiononin për të siguruar që udhëtarët të ribashkohen me çantat e tyre në destinacionin e tyre përfundimtar.

-E dyta është automatizimi, si verifikimin e identitetit, regjistrimin e bagazheve dhe kontrollin e dokumenteve. Kreu i lehtësimit të IATA, Céline Canu tha se jo shumë larg në të ardhmen, disa pasagjerë do të jenë në gjendje të skanojnë pasaportat e tyre elektronike në shtëpi duke përdorur smartphonët, pastaj mund të realizojnë disa selfie nga kënde të ndryshme për të bërë të mundur njohjen biometrike të fytyrës në sistem. Kjo është pjesë e një lëvizjeje të gjerë në industri larg pasaportave dhe drejt dokumenteve digjitale të udhëtimit (DTC, ose “lehtësim” në përkrahjen e industrisë), e cila do të prezantohet në faza gjatë viteve të ardhshme, tha Canu.

-E treta, të dhënat, janë bileta e artë e industrisë. “Kjo është me të vërtetë një ndryshim rrënjësor, duke na lejuar të bëhemi më të koordinuar dhe të jemi në gjendje të parashikojmë se kur do të jetë fluksi më i madh, kush do të vijë, çfarë vëllimi bagazhesh po vjen, të jemi në gjendje të jemi më fleksibël me burimet dhe më mirë koordinuar midis të gjitha palëve të ndryshme, ” shprehet Brooks.

Për shkak se komponentë të ndryshëm të operacioneve të aeroportit menaxhohen nga partnerë të shumtë dhe jo nga një entitet i vetëm, i thjeshtë, bën që të ndodhin probleme dhe të shkaktohen probleme të tilla si vonesa. Ndarja e të dhënave është integrale për atë që Brooks e quajti një “qasje totale e menaxhimit të aeroportit”, e cila, në një skenar ideal, do t’i bënte operacionet aq efikase sa aeroportet të mund të zvogëlojnë kohën e skedulimeve (koha ndërmjet zbarkimit të një fluturimi dhe nisjes së tij sërish) dhe të lejojë fluturimin e më shumë avionëve.

Tani për tani, industria e linjave ajrore është përqendruar në maksimizimin e të ardhurave. Një arsye kryesore për këtë është sepse biletat e aeroplanit kushtojnë 59% më pak sot sesa në 1998, pas inflacionit. Kjo ka sjellë zvogëlim të fitimeve, edhe pse kërkesa është rritur.

Teknologjia mund të ndihmojë në zgjidhjen e disa elementeve të vonesave dhe problemeve të tjera të aviacionit, por do të duhet më shumë sesa vendosja e kambanave dhe bilbilave në krye të një sistemi ekzistues joefikas për të bërë më kuptim plotë llojin e ndryshimit që kërkohet për të përmbushur kërkesën e ardhshme. Në një moment tjetër më vonë do të duhen më shumë hapësirë në pistat e aeroporteve, më shumë infrastrukturë, terminale dhe madje edhe aeroporte, për të akomoduar pasagjerët e ardhshëm.

Në shumë mënyra, industria e linjave ajrore është vetë prodhuesi i mjerimit që po e kaplon. Industria është shumë e ngadaltë ndaj ndryshimeve, kështu që zbatimi i gjerë i të gjitha ideve të shkëlqyera mund të mos realizohet as deri në vitin 2037. (Fortune)

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.