Problemet me fuqinë punëtore, propozimi i Çuçit: Ka ardhur koha që tregu i punës në Shqipëri të hapet për të huajt

Industria e agro-përpunimit është një nga shtyllat kryesore që do të vazhdojë të mbështetet me fonde përmes Skemës Kombëtare dhe Programit IPARD por që për momentin po haset me vështirësi të shumta për gjetjen e fuqisë punëtore, bëri me dije ministri i Bujqësisë dhe Zhvillimit Rural, Bledi Çuçi, gjatë vizitës në fabrikën e përpunimit të prodhimeve bujqësore, ‘Zdrava Shpk’, në Lushnjë.

Ai deklaroi gjithashtu se mungesa e punëtorëve në këto lloj sektorësh i frenon këto biznese që të rriten më tej dhe të shtojnë kapacitetet. Ministri tha se ndoshta ka ardhur momenti që tregu i punës të hapet edhe për të huajt.

Sipas tij stimulimi i industrisë agro-përpunuese në vend është një nga prioritetet e Ministrisë së Bujqësisë pasi ky është një sektor që ndër të tjera krijon edhe  shumë vende të reja pune.

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.