Procedura të reja për azil – Qeveria franceze zbulon projektligjin, parashikon rregulla më të ashpra

Qeveria e presidentit francez Emmanuel Macron ka paraqitur sot një projektligj për të zbatuar rregulla më të ashpra për emigracionin, të cilat organizatat e të drejtave të njeriut i kanë kritikuar si represive ndaj azilkërkuesve.

Qeveria thotë se projektligji, i paraqitur në një takim të Kabinetit, synon përshpejtimin e dëbimit të njerëzve që nuk kualifikohen për azil. Ajo gjithashtu dëshiron të ofrojë kushte më të mira për ata që lejohen të qëndrojnë në vend, të tilla si ofrimi i më shumë klasa franceze dhe trajnime për punë.

Ministri i Brendshëm Gerard Collomb tha se plani është “i balancuar” dhe “përputhet me procedurat evropiane”.

Projektligji, i cili do të debatohet në parlament në prill, do të zvogëlojë periudhën e shqyrtimit për një kërkesë për azil deri në një maksimum prej gjashtë muajsh, nga rreth një vit duke përfshirë apelin. Aktivistët e të drejtave të njeriut thonë se kjo do ta bëjë më të vështirë për azilkërkuesit që të mbrojnë të drejtat e tyre.

Legjislacioni ka për qëllim përshpejtimin e procesit të kërkesave për azil dhe për dëbimin e emigrantëve të cilët nuk janë në gjendje të kërkojnë azil. Gjithashtu do të dyfishojë deri në 90 ditë kohën kur një person mund të qëndrojë në qendra në mënyrë ilegale me qëllim që të organizojnë dëbimin e tyre.

Sipas projekt-ligjit, njerëzit që kalojnë ilegalisht kufijtë e zonës së lirë të udhëtimit në BE-së do të gjobiten me 3.750 euro (4.600 dollarë)

Disa organizata që ndihmojnë emigrantët, kanë bërë thirrje për protesta në rrugët e Parisit të mërkurën për të denoncuar “politikat qeveritare që cenojnë liritë e emigrantëve”.

Po ashtu, disa agjentë publikë përgjegjës për procedurat e azilit zhvilluar po ashtu një grevë gjatë ditës së sotme.

Cyrielle Taezin, një punonjëse në gjykatën kombëtare të azilit, tha se emigrantët nuk do të kenë kohë të mjaftueshme për të përgatitur kërkesën e tyre.

“Ata kanë përjetuar trauma. Ata kanë nevojë për kontrolle psikologjike. Ata kanë nevojë për kohë për të shprehur atë që kanë kaluar. “

Sipas shifrave zyrtare, më shumë se 100 000 njerëz kanë aplikuar për azil në Francë gjatë vitit 2017, duke u rritur me 17 për qind nga një vit më parë. Numri më i lartë i kërkesave për azil vijnë nga njerëz nga Shqipëria, Afganistani, Haiti dhe Sudani.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.