Procedurat në pikat kufitare – Drejtoria e Doganave studim për matjen e kohës, periudha dhe pikë-kalimet ku do të kryhet
Drejtoria e Përgjithshme e Doganave, në bashkëpunim me agjencitë e tjera ligjzbatuese, me mbështetjen e Bankës Botërore, po planifikon të kryejë një studim për matjen e kohës së procedurave në kufi për pikat kufitare tokësore, detare dhe terminaleve të brendshme më të ngarkuara.
Në këtë kuadër, sipas Drejtorisë së Doganave matja e kohësh do të bëhet për të gjitha mallrat që do të kalojë në procedurat kufitare. Në këtë studim do të përfshihen procedurat tranzite ndërkombëtare me ardhje ose destinacion pikë kalimet kufitare të Morinës, Qafë Thanës, Kapshticës dhe portit të Durrësit.
Më konkretisht:
Në pikën kufitare detare, Porti i Durrësit, për eksportin dhe importin e mallrave.
Në pikat kufitare tokësore, për mallrat e eksportit, që nga terminali I Tiranës, Fierit dhe Elbasanit kanë si pikë mbërritje kalimet kufitare Morinë, Qafë Thanë, Kapshticë, si dhe mallrat për eksport, të cilët eksportojnë në mënyrë ekskluzive drejt pikë kalimeve kufitare të përmendura më lart.
Mallrat e importit që kalojnë përmes doganave Morinë, Qafë Thanë dhe Kapshticë, të cilat procedohen ekskluzivisht në Terminalin e Tiranës, Fierit dhe Elbasanit.
Sa i takon afateve kohore, matja është parashikuar të kryhet gjatë periudhës nga data 12 deri më 18 nëntor 2018, ku një pjesë e ngarkesave për import/eksport/transit duhet të pajisen me një pyetësor për matjen e kohës. Përmes këtij të fundit, monitorohen të gjitha proceset e përmendura më sipër.
Sipas Drejtorisë së Doganave, pyetësori i plotësuar merret në fund të procedurës siç vijon:
- Për procedurat e importit në rrugë tokësore, merret i plotësuar në Terminalin e Tiranës, Fierit dhe Elbasanit ose në pikë-kalimet kufitare Morinë, Qafë Thanë dhe
- Kapshticë;
- Për eksportet në pikë-kalimet kufitare, merret i plotësuar në Morinë, Qafë Thanë, Kapshticë dhe porti i Durrësit. Pyetësori i plotësuar merret në fund të procedurës nga autoriteti i cili kryen veprimin përfundimtar të procedurës me mallrat, në përputhje me hapat e pyetësorit.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.