Procedurat tatimore, drejt një ndryshimi të ri! Pr/ligji mban firmën e ministres së re të Financave: Reduktim parasë fizike nga bizneset
Raporti më i fundit i Komitetit “Moneyval” të Këshillit të Evropës evidenton nevojën që Shqipëria të bëjë më shumë përpjekje në luftën kundër pastrimit të parave. Në raportin e vlerësimit, Shqipërisë i është lënë një vit kohë për Shqipërinë për përmbushjen e Rekomandimeve dhe adresimin e problematikave të evidentuara në raport.
Për më shumë lexo :
Në këto kushte, Ministria e Financave dhe Ekonomisë ka paraqitur për konsultim publik një projektligj që synon të reduktojë ekonominë informale dhe përdorimin e parasë fizike nga personat fizikë/juridikë tregtarë.
Projektligji që sjell mëposhtë SCAN mban firmën e ministres së re të Financave dhe Ekonomisë Anila Denaj dhe duke adresuar njëkohësisht rekomandimet e Komitetit Moneyval, propozon të sanksionohet në ligjin për procedurat tatimore, detyrimi i të gjithë tatimpaguesve persona fizik/juridikë, përfshirë edhe organizatat jofitimprurëse për të pasur llogari bankare biznesi.
Në rast të mospërmbushjes së detyrimit të parashikuar në këtë projektligj propozohen edhe sanksione:
–Tatimpaguesit me status “person fizik tregtar”, të regjistruar për tatimin mbi vlerën e shtuar, me qarkullim deri në 8 milion lekë, gjobë në masën 50 000 (pesëdhjetë mijë) lekë;
-Tatimpaguesit me status “person juridik” pavarësisht nga qarkullimi, si dhe tatimpaguesit me status “person fizik tregtar” me qarkullim mbi 8 milion lekë, gjobë në masën 100 000 (njëqind mijë) lekë;
-Organizatat jofitimprurëse, gjobë në masën 75 000 (shtatëdhjetë e pesë mijë) lekë.
Gjithashtu, po në këtë dispozitë përcaktohen dhe afatet kohore për përmbushjen e detyrimit për pajisjen me llogari bankare të biznesit. Subjektet që janë të regjistruara në QKB/administratën tatimore, duhet të hapin llogarinë bankare jo më vonë se 90 ditë nga hyrja në fuqi e këtij ligji.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.