Prodhimi i energjisë ra me 10% në 2020-ën – Deputetët: Më shumë përpjekje nga ERE për diversifikimin e burimeve të prodhimit
Prodhimi i energjisë elektrike gjatë vitit 2020 rezultoi 10% më i ulët sesa mesatarja 10-vjeçare për shkak të situatës jo të favorshme hidrike. Të dhënat u bënë me dije nga kreu i Entit Rregullator të Energjisë, Petrit Ahmeti gjatë raportimit në Komisionin parlamentar të Veprimtarive Prodhuese, ndërkohë që sipas deputetëve kjo situatë kërkon intensifikimin e punës së këtij dikasteri në drejtim të diversifikimit të burimeve të prodhimit të energjisë.
Gjithashtu, Arben Pëllumbi në cilësinë e relatorit kërkoi edhe funksionimin e bursës së energjisë. Ai u ndal dhe te ngritja e sistemit të karikimit të mjeteve elektrike.
Rëndësi gjatë diskutimeve në Kuvend iu kushtuar edhe shfrytëzimit të gazsjellësit TAP, duke u kërkuar ngritja e bazën rregullatore në drejtim të gazifikimit të vendit. Gjithashtu, Ahmeti tha se përveç shfrytëzimit të gazit për vënien në punë të TEC-it të Vlorës, diskutime konkretet po kryhen edhe për TEC-in e Korçës.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.