Prodhimi i qelqit është industria më e fundit e goditur nga lufta në Ukrainë!
Për blerësit në të gjithë Europën, lufta në Ukrainë ka filluar të ndihet në një vend të papritur: kuletat e tyre dhe raftet e supermarketeve. Si Rusia ashtu edhe Ukraina ishin një nga importuesit më të mëdhenj të grurit në Europë. Dhe Ukraina është prodhuesi më i madh i vajit të lulediellit në botë.
Megjithatë, lufta ka filluar të prekë edhe industri të tjera, siç është prodhimi i qelqit. “Xhami në veçanti tani është ngritur si një problem i madh, sepse duket se ka pengesa në sistemin e porositjes, në të gjithë zinxhirin e furnizimit dhe në vlerën e produktit, i cili ndikohet nga kostoja e energjisë,” thotë Natasha Linhart, CEO i Atlante.
Prodhimi i qelqit europian aktualisht është në duart e katër ose pesë firmave të mëdha dhe njëra prej tyre ka disa fabrika në Ukrainë. Materiali po bëhet gjithashtu gjithnjë e më i rëndësishëm. Për shembull, prodhuesit po i drejtohen qelqit si zëvendësim për plastikën.
“Lëndët e para për të bërë xham po bëhen jashtëzakonisht të shtrenjta,” shtoi Linhart. “Pjesë të mëdha të industrisë ishin të zëna duke bërë shishkat për vaksinat, gjatë dy viteve të fundit – miliona e miliona e miliona vaksina – dhe kjo ka krijuar një mungesë dramatike në nivel global.”
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.