Prodhimi në rënie në T2 – Pandemia godet çmimet, industria nxjerrëse në “kolaps”

Indeksi  i  Çmimeve  të  Prodhimit  arriti vlerën e 99 pikëve gjatë tremujorit të dytë të vitit, duke shënuar një ulje me 4,1%,krahasuar me të njëjtën periudhë të një viti më parë. Indeksi i Çmimeve të Prodhimit, në tremujorin e dytë 2020, shënoi ulje me 2%, krahasuar me tremujorin e pare 2020. Indeksi  i  Çmimeve  të  Prodhimit  për  Produktet  Vendase, krahasuar  me tremujorin  e  dytë të  vitit  2019 shënoi  ulje  me  3,1%.  Uljen  më  të  madhe  e  kanë  shënuar çmimet  e  prodhimit në seksionet “Industri nxjerrëse”me 24,3 % dhe “Energjia elektrike, gaz, avull dhe ajër i kondicionuar” me 2,3%.

Indeksi  i  Çmimeve  të  Prodhimit në seksionin ”Industri Nxjerrëse”, në  tremujorin  e dytë 2020,regjistron një rënie totale prej  32%.  Brenda  këtij  seksioni, ulja  më  e  madhe e  çmimeve është  shënuar  në aktivitetin “Nxjerrja e naftës bruto dhe gazit natyror” me 55,8%, ku impaktin më të madh e ka dhënë muaji prill.

Indeksi i Çmimeve të Prodhimit,në seksionin “Industri përpunuese” ka shënuar rritje me 0,2%, krahasuar me tremujorin e dytë 2019. Brenda këtij seksioni rritje më të madhe kanë pësuar çmimet në aktivitetin “Metalurgjia” me 3,1%, pasuar me çmimet në aktivitetin “Përpunimi i tekstileve” me 2,6%.

Roel Korkuti / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.