Prodhimi sezonal vjen me çmime të rritura – Rameta: Kostot e shtuara të plehrave kimikë do të reflektohen tek konsumatorët
Çmimet e rritura të inputeve bujqësore dhe plehrave kimikë që blejnë fermerët për mbjelljen e kulturave në vend, do të reflektohen në prodhim më të shtrenjtë në treg për konsumatorët.
Në një intervistë për TV SCAN, Kryetari i Shoqatës AFADA, Agim Rameta, saqaron se për shkak të luftës Rusi-Ukrainë dhe luhatjes së bursës, plehrat kimikë si ureja, dapi dhe nitrati që janë kryesoret në bujqësi, kushtojnë shumë më shtrenjtë për fermerët, gjë që do të sjellë deri në dyfishim të çmimeve të prdoukteve vendase si fruta, perime, zarzavate etj.
Ndërkohë, në rastet kur ka mbiprodhim gjë që ndodh zakonisht në kulmin e sezonit, këtë kosto të rritur mund ta mbajnë mbi “shpinë” fermerët, duke dalë edhe me humbje.
Në këto kushte kreu i AFADA-s kërkon ndërhyrjen e Ministrisë së Bujqësisë, përmes subvencinimit të fermerit në prodhim, në mënyrë që t’i lehtësohen kostot e shtuara.
Elisabeta Dosku / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.