Prodhuesi i makinave luksoze do të investojë 2.5 miliardë paund në hapin e tij drejt elektrifikimit!
Prodhuesi i makinave luksoze Bentley do të investojë 2.5 miliardë paund ndërsa po ecën drejt prodhimit të automjeteve elektrike. Ai synon të prodhojë makinën e tij të parë elektrike brenda tre viteve të ardhshme, me modele ekskluzivisht elektrike deri në vitin 2030.
Modelet e reja do të zhvillohen në fabrikën e kompanisë në Crewe, Cheshire, e cila gjithashtu do të shohë investime për t’u bërë neutrale ndaj karbonit, tha firma. CEO i Bentley, Adrian Hallmark tha se planet ishin të guximshme dhe ambicioze dhe një “moment historik” për markën.
Shitjet e makinave të reja dhe furgonëve të fuqizuar tërësisht me benzinë dhe naftë janë vendosur të ndalohen në Mbretërinë e Bashkuar nga viti 2030. Rreth 4,000 njerëz janë të punësuar në fabrikën e Bentley në Crewe dhe firma tha se planifikon ta bëjë vetë fabrikën neutrale ndaj karbonit.
Ndryshimet do të përfshijnë kthimin në zero me mbetjet dhe përdorimin e ujit. Peter Bosch, nga kompania, tha se njoftimi shënoi “ditën më të rëndësishme në historinë moderne të Bentley”. BBC
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.