Prodhuesit, 9 kërkesa për paketën fiskale! Taksë ndërtesë më të ulët për veprimtaritë prodhuese, zerim të akcizës dhe taksave për lëndët e para

Në kuadrin e diskutimeve për paketën e re fiskale, Bashkimi i Prodhuesve Shqiptarë ka dhënë 9 propozime e sugjerime. Sa i përket taksës së ndërtesës, prodhuesit kërkojnë që shkalla e taksës mbi ndërtesat e cila aplikohet si përqindje e bazës së taksës, nga 0.15% për ndërtesën që përdoret ose shfrytëzohet për veprimtari ekonomike që është propozuar, të bëhet 0.05% për veprimtaritë prodhuese.

Po ashtu, prodhuesit kërkojnë që kufiri minimal i regjistrimit për TVSH-në, të jetë pa shkallëzimin e pragut 2.000.000 lek për njësitë tregtuese dhe që të hiqet akciza për lëndët e para djegëse.

Sa i përket propozimeve shtesë, industria prodhuese kërkon heqjen e taksave doganore për artikujt që janë lëndë e parë për industrinë prodhues, reduktimin e taksës për disa produkte plastike, rishikimin e legjislacionit për rimbursimin e TVSH-së dhe Akcizës, heqjen e plotë të TVSH në import për makineritë/pajisjet për prodhuesit vendas, heqjen e TVSH-së për shërbimet e veterinarisë si dhe heqjen e TVSH-së për shërbime ndaj kafshëve.

Propozimet e Dhomës së Tregtisë dhe Industrisë

Amnisti, TVSH 0 për tregtinë me pakicë, rishikim të tatimfitimit e tatimi për pagat! 10 propozimet e Dhomës së Tregtisë për paketën 2018

Propozimet e Dhomës Amerikane të Tregtisë

Nga taksa e pronës te taksa e re për pajisjet e përdorura e heqja e procedurave për pajisjet nën 100 euro! 23 rekomandimet e Dhomës Amerikane

Propozimet e Shoqatës së Bizneseve të Vogla dhe të Mesme

Zbardhen 8 propozimet e biznesit të vogël për paketën fiskale! TVSH të ulet në 12 %, karburanti dhe energji me 28%, sigurimet me 40%

Violeta Shqalsi/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.