Produkte pa vulë dhe pa certifikatë veterinare – AKU asgjëson 60 kg fileto pule, 187 kg mish dhe mbi 1 ton ushqime të pasigurta për konsum

Trupat inspektuese të AKU-së gjatë 24 orëve të fundit kanë kryer 619 inspektime në garantim të sigurisë ushqimore dhe monitorime në kuadër të Task-Forcës Anti-Covid.

Sipas njoftimit gjatë monitorimeve janë vendosur 6 masa administrative, përkatësisht: një masë administrative për moszbatim të protokollit të sigurisë anti-covid, 4 masa për tregtim mishi pa vulë dhe pa certifikatë veterinare si dhe një masë për tregtim produktesh me afat të kaluar përdorimi.

Si rrjedhojë e tyre AKU bën me dije se u bllokuan 60 kg fileto pule dhe 187 kg mish me destinacion asgjësimin e tyre si dhe me kërkesë të vetë subjektit është asgjësuar një sasi produktesh ushqimore prej 1.133 ton të konstatuara të pasigurta për konsum human.

Sipas AKU u morën 71 mostra kryesisht në monitorim qumështi dhe në fruta perime për mbetje pesticide.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.