Produkte ushqimore të skaduara – AKU gjobit me 300 mijë lekë një market
Trupat inspektuese të Autoritetit Kombëtar të Ushqimit gjatë 272 kontrollove të realizuara në 24 orët e fundit kanë në garantim të sigurisë ushqimore kundër përhapjes së Covid-19 ka njoftuar se në Pogradec është vendosur 1 masë administrative “gjobë” me vlerë 300,000 lekë, në një market ushqimor ku u konstatua tregtimi i produkteve të skaduara.
Gjithashtu sipas njoftimit janë vendosur edhe masa administrative “paralajmërim” në Tiranë dhe Shkodër.
“Sa i përket Planit të marrjes së mostrave, janë marrë 9 mostra produktesh të ndryshme në Elbasan (bukë gruri, kripë të jodizuar dhe pije alkoolike), si dhe u bë bllokimi 620 kg produkte ushqimore deri në daljen e përgjigjeve të analizave. Gjithashtu janë marrë mostra “fare bime” për analizim në Shkodër dhe 4 mostra për analizim sallatë jeshile në Berat,” shkruhet në njoftim.
Autoriteti Kombëtar i Ushqimit do të vijojë kontrollet dhe monitorimet rigoroze në të gjithë vendin me qëllim garantimin e sigurisë ushqimore dhe mbrojtjen e shëndetit të konsumatorëve.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.