Profil / Kush është Kreu i Ri i Sigurisë së Shtetit në SHBA, refugjati që vuri në pranga “Madam Hollywood”?

Alejandro Mayorkas, ish-prokurori i lartë federal në Los Angeles dhe  ish-zëvendës sekretar i Departamentit të Sigurisë Kombëtare, u emërua të hënën nga Presidenti i zgjedhur Joe Biden në postin e shefit të Sigurisë së Shtetit.

Mayorkas është emigranti i parë i nominuar për të shërbyer në këtë detyrë. Ai ka lindur në Havana, Kubë dhe është amerikano – kubani me postin më të lartë që ka shërbyer në presidencën e Obamës dhe atë të Biden.

Familja e tij u transferua në Los Angeles kur Mayorkas ishte foshnjë. Ai u diplomua për juridik në UC Berkeley, universitet i binjakëzuar me Loyola Law School.

“Kur isha shumë i ri, Shtetet e Bashkuara i siguruan familjes sime një strehë si refugjatë. Tani, unë jam emëruar si sekretar për Sigurinë e Shtetit dhe do të mbikëqyr mbrojtjen e të gjithë amerikanëve dhe të gjithë atyre që largohen për shkak të persekutimit në kërkim të një jete më të mirë për veten dhe njerëzit e tyre të dashur” shkroi Mayorkas në Twitter, në përgjigje të emërimit të tij.

Në karrierën e tij 30 vjeçare si një zyrtar i zbatimit të ligjit dhe si një avokat i afirmuar në rang kombëtar në sektorin privat, Mayorkas shërbeu si Zv/ Drejtor i Sigurisë së Shtetit në administratën Obama – Biden nga viti 2013 deri në vitin 2016 dhe si drejtor në zyrën e Shtetësisë dhe Shërbimeve të Emigracionit të SHBA-së për periudhën 2009 – 2013.

Mayorkas, i cili këtë të martë mbush 61 vjeç, gjatë shërbimit si prokuror, ndihmoi në dënimin e të ashtuquajturës “Madam Hollywood”, Heidi Fleiss, të akuzuar për komplot federal, mashtrim fiskal dhe pastrim parash.

Si shef i zyrës, Mayorkas mbikqyri gjithashtu ndjekjen penale të anëtarëve të Mafias meksikane në procedurat e dënimit me vdekje, ndjekjen penale të Buford O. Furrow Jr për vrasjen e një punëtori federal dhe pushkatimin e fëmijëve në Los Angeles, në Qendrën e Komunitetit Hebre. Po ashtu, ndoqi penalisht Litton Industries për pagesa ryshfetesh jashtë vendit si dhe njihet për heqjen e bandës së dhunshme në 18^th Street.

Gjatë mandatit të tij si Zëvendës Drejtor në Sigurinë e Shtetit, ai udhëhoqi zbatimin e programit të Veprimit të Shtyrë për Arritjet e Fëmijërisë (DACA), i cili siguron mbrojtjen e dëbimit për emigrantët që u sollën në vend ilegalisht si fëmijë nga prindërit e tyre.

Po ashtu, Mayorkas u mor me sigurinë kibernetike dhe marrëveshjet e sigurisë së shtetit me qeveritë e huaja. Ai ndihmoi në ndërtimin dhe administrimin e “Fushatës Blu”, për të luftuar trafikimin njerëzor dhe zhvilloi një program për ndihmë emergjente për të rinjtë jetimë, pas tërmetit të Janarit të 2010-ës në Haiti.

Mayorkas ka krijuar Drejtorinë e Zbulimit të Mashtrimit dhe Sigurisë Kombëtare që synon të sigurojë integritetin e çështjeve ligjorë për sistemit e imigracionit.

“Ne nuk kemi kohë për të humbur kur bëhet fjalë për sigurinë tonë kombëtare dhe politikën e jashtme. Kam nevojë për një ekip të gatshëm që në Ditën e Parë, për të më ndihmuar të rimarr vendin e Amerikës në krye të tryezës, për të mbledhur botën për të përmbushur sfidat më të mëdha me të cilat përballemi, si dhe për të avancuar sigurinë, prosperitetin dhe vlerat tona” tha Biden në një deklaratë lidhur me emërimin e Mayorkas.

Burimi: CNBC

Përshtati në shqip: SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.