Programi i bursave në Bundestagun gjerman, kriteret për aplikim. Periudha kohore e studimeve, pjesëmarrësit nga 41 shtete

Ambasada Gjermane në Tiranë ka publikuar kriteret për bursë ndërkombëtare parlamentare pranë Bundestagut gjerman. Një komision nga Gjermania për përzgjedhjen e bursantëve për Bursën Ndërkombëtare Parlamentare (IPS) zhvilloi një vizitë në Tiranë nga data 16 deri më 18 tetor 2017. Delegacioni gjerman, nën udhëheqjen e deputetit të Bundestag-ut gjerman, z. Jörn Wunderlich (die Linke), zhvilloi biseda përzgjedhëse me kandidate/ë nga Shqipëria, Kosova dhe Maqedonia për programin e IPS-së 2018.

“Në kuadër të programit të IPS-së do të kenë mundësinë gjithsej 120 të rinj nga 41 shtete gjatë qëndrimit të tyre me bursë në periudhën kohore 1 mars deri më 31 korrik 2018 të njohin më nga afër proceset e punës në Bundestag-un gjerman dhe sistemin parlamentar të Gjermanisë.

Qëllimi i programit është t’u mundësojë bursantëve të përjetojnë nga afër proceset politike dhe ato të vendimmarrjes demokratike. Bursantet/ët do të punojnë në mënyrë aktive në zyrën e një deputeti të Bundestag-ut dhe përveç kësaj mund të marrin pjesë në aktivitete mësimore pranë universiteteve të Berlinit. Programi është nën patronazhin e Kryetarit të Bundestag-ut Gjerman dhe realizohet në bashkëpunim me tre universitetet e Berlinit. Të gjitha shpenzimet e udhëtimit, akomodimit dhe siguracioneve, duke përfshirë këtu dhe një bursë mujore, merren përsipër nga Bundestag-u gjerman”.

Për më shumë informacion rreth programit dhe kritereve të aplikimit mund të gjeni në faqen e internetit: http://www.bundestag.de/ips.

os.de/SCAN 

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.