Programi “Europa për Qytetarët”, BE vë në dispozicion 175 mijë euro. Ja si do të përdoren fondet dhe institucionet që mund të aplikojnë
BE do të ofrojë rreth 175 mijë euro për programin e quajtur “Evropa për Qytetarët”. Ky program fton strukturat e qeverisjes lokale, agjencitë qeveritare dhe organizatat e shoqërisë civile për të marrë pjesë në dy thirrje për aplikime, të cilat janë: “Rrjetet e Qyteteve”, i cili synon të stimulojë një bashkëpunim të qëndrueshëm mes bashkive dhe organizatave të shoqërisë civile, me një fond prej 150 000 euro dhe “Binjakëzimi i Qyteteve” që ka si qëllim të mbështesë OSHC-të në organizimin e aktiviteteve të përbashkëta, me qytetet partnere me një fond prej 25 000 euro.
Thirrja e parë: Rrjetet e Qyteteve 2017 / Network of Towns
Objektivi i kësaj thirrje: Nxitja e një bashkëpunimi më të qëndrueshëm midis bashkive dhe shoqatave të cilat punojnë së bashku mbi një temë të përbashkët, në një perspektivë afatgjatë.
Kështu për këtë thirrje, afati për dorëzimin e aplikimeve është datat 1 Shtator 2017, ndërkohë që buxheti i vënë në dispozicion është 150.000 Euro.
Mund të aplikojnë në këtë thirrje: Bashkitë ose komisionet apo rrjetet e tyre të binjakëzimit; nivele të tjera të autoriteteve lokale / rajonale, federata / shoqata të autoriteteve vendore; organizatat jofitimprurëse që përfaqësojnë autoritetet lokale.
Për këtë thirrje më shumë informacion mund të gjeni këtu
Thirrja e dytë: Binjakëzimi i Qyteteve / Town Twinning
Objektivat e thirrjes së dytë: Përkrahjen e projekteve të cilat sjellin së bashku një gamë të gjerë të qyteteve partnere në një event binjakëzimi rreth temave të cilat janë në përputhje me objektivat e Programit duke marrë dhe në konsideratë prioritetet shumëvjeçare. Kështu për këtë thirrje, afati për dorëzimin e aplikimeve është datat 1 Shtator 2017, ndërkohë që buxheti i vënë në dispozicion është 25.000 Euro. Mund të aplikojnë në këtë thirrje: Bashkitë ose komisionet / rrjetet e tyre të binjakëzimit si dhe organizata të tjera jofitimprurëse që përfaqësojnë autoritetet lokale.
Për këtë thirrje më shumë informacion mund të gjeni këtu
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.