Programi i Ditës së Verës në Tiranë – Nga karnavalet tek shfaqjet ajrore

Bashkia e Tiranës ka publikuar programin e festës për Ditën e Verës. 14 Marsi është kthyer prej vitesh në një traditë të shumëpritur nga qytetarët e Tiranës dhe turistët që vizitojnë kryeqytetin.

Ashtu si çdo vit, edhe në këtë edicion, agjenda është e ngjeshur dhe gjithëpërfshirëse me aktivitete të veçanta për të gjitha moshat, nga fëmijët tek të moshuarit.

Festa do të zhvillohet në disa zona të Tiranës, si Liqeni Artificial, sheshi “Skënderbej”, bulevardi “Dëshmorët e Kombit”, Piramida, blloku, sheshi “Italia” dhe Akademia e Arteve.

Në orën 10 në sheshin kryesor do të nisë parada e shumëpritur e karnavaleve e fëmijëve të shkollave, paradë e cila do të marshojë drejt Liqenit Artifical.

Bie gjithashtu në sy prezenca e shfaqjeve ajrore, si fluturimet nga Flota Kombëtare e Pilotëve nga Kosova dhe Shqipëria, vendosja e një avioni në sheshin “Skënderbej”, Tirana Open Air Shoë në bashkëpunim me Federatën Shqiptare të Aeronautikës, si dhe gara ajrore në mesditë.

Programi i plotë

Ora 09:00 –  Muzikë me DJ tek Liqeni Artificial (hyrja e digës).

Ora 10:00 –  “Karnavalet në Tiranë”- Parada e fëmijëve të shkollave nga
sheshi “Skënderbej” drejt Liqenit Artificial.

Ora 09:00-15:00 –  Tirana Open Air Show. Avion në sheshin
“Skënderbej”. Red Bull në bashkëpunim me Federatën Shqiptare të
Aeronautikës.

Ora 09:30-11:15 –  Fluturime nga Flota Kombëtare e Pilotëve, Kosovë-
Shqipëri.

Ora 10:00 –  Varka dhe kanoe për argëtim si dhe sport të lirë të
qytetarëve. Gjithashtu, demonstrime nga profesionistë të lundrimit te Liqeni
Artificial.

Ora 10:30-14:30 –  Koncert tek bulevardi “Dëshmorët e Kombit” (përballë
Kryeministrisë). Këngëtarët: Arilena Ara, Sidrit Bejleri, Eneda Tarifa,
Lorenc Hasrama, Fifi, Denisa Gjezo& Band. Argëtim, surpriza në zonën e
dedikuar të rinjve.

11:00-00:00 –  Koncert “Summer on Pyramid”, tek sheshi përpara Piramidës.
Dee Jay, Dj Aldo, DjSardi, Dj Mickey, Chriss V, VinVeli, Abel Dj.

Prej orës 11:00 dhe gjatë gjithë ditës te Parku i Liqenit Artificial
–  Përgjatë Digës – Panairi i Artizanëve
–  Këndi i piktorëve (rruga e 1000 selvive)
–  Oazi i lojërave për fëmijë (afër fushave multisportive)
–  Aktivitete sportive si Ping-pong, shah, volejball, basket, handball, harqe,
kangoo etj…(para fushave multisportive dhe brenda tyre).

–  Këndi i fotografisë së pranverës
–  Libraria e Liqenit e hapur për fëmijët dhe të rinjtë
–  Këndi i barbekysë
–  Mbrapa këndit të forcës nr 1: Festival i kërcimit për fëmijë “Ne jemi Bota”.
Më pas vazhdon Teatri i Kukullave për Fëmijë.
–  Tek Teatri Veror: Program klasik me të ftuar nga Shkolla e Baletit dhe
Liceu Artistik.
–  Aktorë të Cirkut do të jenë në hapësira të ndryshme të parkut.
–  Në Kopshtin Zoologjik do të ketë muzikë me DJ si dhe aktorë të Cirkut që
do të performojnë për vizitorët e vegjël

Ora 12:00 –  Red Bull Race Air Show.

Ora:12:00-23:00 –  Koncert për të rinj te sheshi “Italia”. Këngëtarët: – G UP,
– Fifi, – Anxhelo Koci, – Gent Fatali, -Fero

Ora 12:00-01:00 –  Street Party Telekom.
–  Rruga “Pjetër Bogdani”: Skena e vendosur tek Kino Bar (me pamje nga
Whiskey Bar) me muzikë reggae, hip-hop, DnB, tech house, melodic house,
electronic.
–  Rruga Brigada e VIII: Skena e vendosur në krah të Pepper Lounge me
pamje nga Sky Tower me muzikë live Jazz, Funk dhe Rock.
Rruga Ibrahim Rrugova: Panair me produkte të ndryshme.

Ora 18:00 –  Koncert klasik. Amfiteatri te Akademia e Arteve
Këngëtarët: Kastriot Tusha (Tenor)
Ardita Meni ( Soprano)
Zana Frashëri (Soprano)
Evis Mula (Soprano)
Erand Kurani (Fizarmonikë)
Alma Strazimiri (Mezzo-soprano)

Sofika Kola (Soprano)

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.