Programi i qeverisë propozohet në Kuvend – Rama: Paga 30% më të larta për administratën. Rritja e pensioneve, dita më e lumtur e jetës
Qytete të pastra, pa qese plastike, paga 40% më të larta për arsimtarët e mjekët, e 30% për administratën, më shumë ndihmë për familjet në nevojë, ndihmë konkrete për strehim për çiftet e reja, si dhe luftë korrupsionit e krimit të organizuar përmes reformës në drejtësi. Kryeministri Edi Rama ka paraqitur të enjten në Kuvend shtyllat kryesore të ambicieve të Qeverise për katër vitet të ardhshme, duke bërë public angazhimin për rritjen e pensioneve, e cila, do të ishte edhe edhe dita më e bukur e jetës së tij.
Rama bëri një paralajmërim të drejtpërdrejtë për ministrat dhe zyrtarët e lartë: kush ka llogari me ligjin s’fle më i qetë! Nëse ju akuzon drejtësia, s’ju mbrojmë”.
Programi i Qeverisë Rama III u publikua në media një ditë më parë, dhe një pjesë e rëndësishme e tij i kushtohet zhdukjes së pasojave të tërmetit të vitin 2019 si dhe luftë kundër Pandemisë Covid 19.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.