Programi i qeverisë së re, Basha: Rritja ekonomike nuk është përfshirë në program
Kuvendi ka nisur këtë të martë diskutimin për programin e qeverisë së re “Rama 2” në këtë mandat të dytë katërvjeçar. Duke u ndalur te një nga prioritetet e qeverisë “Rama 2”, që është ekonomia, Basha tha në fjalën e tij se rritja e ekonomisë nuk përfshihet në program.
“Programi nuk ka asnjë aneks për investimet e huaja, duket që edhe në këtë mandat nuk do të jenë prioritet. Pa investime të huaja çdo gjë do të ndahet mes oligarkëve . gjendja ekonomike e shqiptarëve do vazhdojë të mbetet e keqe. Edi Rama ka vendosur ta rris me 5.5% ekonominë e vendit në katër vitet e ardhshme, por nuk na tregon sesi do ta bëjë atë. Rritja ekonomike nuk është përfshirë në program. Ky program konfirmon kalimin e ekonomisë në dorë të oligarkëve që kanë lidhje me Ramën. Gjatë mandatit të parë Rama i dha oligarkëve të dit gjysmën e bregdetit, në këtë mandat të dytë do t’ia kalojë të gjithë arsimin privatit. Edhe sistemin shëndetësor do i jepet privatit. Nëpërmjet të ashtuquajturës reforma në drejtësi, Edi Rama do të shtrihen ë dorë sistemin e drejtësisë. Shqiptarët do vazhdojnë të paguajnë nga xhepi i tyre për shëndetin, nuk ka shëndetësi falas në programin e dytë. Papunësia nuk ka fare rëndësi në këtë program, pasi përfshihet vetëm në një paragraf të vogël.”
Për kryedemokratin një tjetër është një “skandal i madh që programi nuk përfshin asnjë veprim për integrimin në BE.
“Në vend të fjalës integrim në BE, Rama ka prioritet integrimin e Shqipërisë në Ballkan. Ka një arsye të rëndësishme braktisja e Integrimit Europian nga Rama. Ai nuk ka interes për integrimin në BE, sepse ajo kërkon plotësimin e një sërë kushtesh, të luftojë krimin, drogën dhe korrupsionin dhe këtë ai nuk mund ta bëjë.”
Kryetari i Partisë Demokratike Lulzim Basha duke analizuar mandatin e qeverisë së shkuar, tha se Rama nuk ka mbajtur asnjë premtim, dhe s’do të mbaj as në këtë mandat.
“Para 4 viteve Edi Rama erdhi si kryeministër dhe shpalli 300 mijë vende pune, shëndetësi falas, rend dhe siguri, ulje taksash, hapje të negociatave për anëtarësim me BE dhe të tjera premtime. Dje pas 4 vitesh rikthehet pa mbajtur asnjë premtim. Rama 1 është qeveria e parë që nuk ka sjellë asgjë për integrimin”.
Sipas Bashës shumë shqiptarë zgjodhën të iknin jashtë kufijve të vendin pasi ishin të pakënaqur nga “Rama 1”.
“Rama 1 solli eksodin e shqiptarëve, gati me Sirinë. Rama 1 arriti rekord të ri pasi 56% e shqiptarëve duan të largohen nga vendi”.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.