Programi i qeverisë/Tatimi i pagave nis nga 40 mijë lekë. 435 mijë përfitues. Rritje 30-40 % për administratën, mësuesit e infermierët.
Programi i qeverisjes së 4 viteve të ardhshme parashikon një serë angazhimesh të rëndësishme për ndryshime të konsiderueshme për pagat. Referuar programit të depozituar në Kuvend, qeveria angazhohet që brenda këtyre 4 viteve të rrisë dyshemenë për pagat e patatueshme, nga 30 mijë lekë në 40 mijë lekë. Pra, nëse aktualisht taksimi progresiv nis për pagat mbi 30 mijë lekë, qeveria angazhohet se do të bëjë të mundur që taksimi të aplikohet vetëm për pagat mbi 40 mijë lekë. Sipas projektit të qeverisë, përfitues janë 435 mijë të punësuar.
Edhe për ata me paga të larta, qeveria angazhohet që rrisë shkallën e të ardhurave të tatueshme. Pra nivelin 23 % i tatimit do të aplikohet për të ardhurat mbi 250 mijë lekë, nga 150 mijë lekë që është aktualisht.
Po ashtu, qeveria në programin e saj angazhohet të rrisë në fund të 4 viteve në 30-40 % pagat e administratës, mesuesve dhe infermierëve.
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.