Projeksionet e Goldman për naftën / “Duhet më shumë prodhim nga OPEC+ për të balancuar tregun”
Goldman Sachs bëri të ditur se do të duhet më shumë prodhim nafte nga Organizata e Vendeve Eksportuese të Naftës me aleatë, që të balancohet tregu deri në vitin 2022. Banka amerikane projektoi se kërkesa për naftë do të rritet me 2.2 milionë fuçi në ditë shtesë deri në fund të vitit, duke lënë një mungesë prej 5 milionë fuçi në ditë në ofertë, shumë më tepër se sa mund të ofrojnë prodhuesit e Iranit, nëse arrihet marrëveshja bërthamore. “Ndërkohë që infeksionet e reja me Covid mund të ngadalësojnë ribalancimin e tregut, ne presim që OPEC+ të qëndrojë taktik në rritjet e prodhimit” –deklaroi Goldman. Banka pret një skenar bazë të rritjes prej 0.5 milionë fuçi në ditë nga OPEC+ për muajt e ardhshëm, pasi grupi të takohet më 1 Korrik për të diskutuar kërcënimin nga varianti Delta i koronavirusit dhe rikthimi i prodhimit të naftës nga Irani. Megjithatë, duke shtuar shpresat e një rimëkëmbjeje të gjerë, Mohammad Barkindo, Sekretari i Përgjithshëm i OPEC, tha se kërkesa pritet të rritet me 6 milionë fuçi në ditë këtë vit, dhe pjesa më e madhe do të ndodhë në gjysmë e dytë të vitit.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.