Projeksionet e Goldman për naftën / Prodhimi i OPEC pritet të mos ndryshojë në Maj dhe të rritet në Shtator

Banka amerikane, Goldman Sachs, pret që OPEC dhe vendet aleate të mbajnë prodhimin të pandryshuar për muajin Maj, kur grupi të takohet gjatë Javës, ndërkohë që pritet një rritje prej 3.4 milionë fuçi në ditë nga Shtatori.

Organizata e Vendeve Eksportuese të Naftës dhe vendet aleate përfshirë Rusinë, që njihen si OPEC+, do të takohen më 1 Prill për të vendousr mbi politikat e prodhimit. Karteli ra dakord të vazhdojë me paktin e uljes së prodhimit  në Prill, ndërkohë që do lejojë Rusinë dhe Kazakistanin që të aplikojë një rritje modeste prej 150,000 fuçi në ditë.  “KJo është shumë poshtë rritjes së prodhimit që pritet nga OPEC, duke marrë parasysh projeksionet tona për kërkesë të lartë” – deklaroi Goldman.  Çmimet e naftës u rritën me mbi 3% në sesionin e kaluar tregtar, por perspektiva për kërkesën është penguar nga masat e reja të karantinës në Europë.

Klevis Llaha – SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.