Projeksionet për Bitcoin – Ekspertët e industrisë flasin për $60,000, por presin edhe një kolaps

Sipërmarrësi në kriptovaluta, Julian Hosp thotë se rritja e shpejtë e Bitcoin nuk ka përfunduar ende. Sipas tij, Bitcoin do të arrijë vlerën e 60,000 dollarëve, por rrugëtimi do të jetë me luhajte pasi do të bjerë gjatë kësaj periudhe përsëri në 5,000 dollarë.  Shumë qeveri dhe kritikë me profil të lartë kanë paralajmëruar mbi rreziqet e investimit në kriptovaluta, që pritet të rrëzohen për shkak se nuk ekziston asgjë që të mbështesë vlerën e tyre.

Projeksionet e Hosp, tregojnë për një rritje me 45 mijë dollarë të Bitcoin nga çmimi aktual, apo një tkurrje me 10,00 dollarë për rastin negativ, duke vënë në dukje luhatjet e mëdha në valutën dixhitale më të famshme në të gjithë botën.  Pasi marshoi në një nivel rekord prej 19,800 dollarë 1 javë më parë,  Bitcoin ra mprehtë duke humbur 1/3-ën e vlerës në një ditë të vetme dhe prekur 11,000 dollarë.

Ditën e Martë, Bitcoin tregtohej në 15,200 dollarë, sipas Coindesk, pra duke rifituar vlerë nga java e kaluar.  Ekspertët e prisnin rënien e çmimit të Bitcoin, duke marrë parasysh vlerësimin e frikshëm në muajt e fundit. Julian Hosp e krahasoi interesin aktual të Bitcoin me flluskën dotcom 20 vite më parë dhe paralajmëroi që një konsolidim i monedhave ka gjasa të ndodh në të ardhmen.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.