Projeksioni i OECD për Greqinë. Ekonomia do të tkurret me 8%. Ka reaguar shpejt në trajtimin e Covid-19
Ekonomia greke do të tkurret me 8% këtë vit, sipas projeksioneve të Organizatës për Bashkëpunim dhe Zhvillim Ekonomik, që thekson se ndikimi i krizës së koronavirusit do pengojë rimëkëmbjen afat-gjatë të vendit. Parashikimi i Organizatës vlerëson se nuk do të ketë një valë të dytë të Covid-19 dhe nëse kjo ndodh, rënia e Produktit të Brendshëm Bruto do të arrijë në 9.8%. Në vitin 2021, ekonomia pritet t’i rikthehet rritjes me një normë prej 4.5%.
Greqia i’a doli ta kontrollojë pandeminë e koronavirusit duke vendosur që në fillim masa të karantinës, ç’ka uli barrën tek sistemi i kudjesit shëndetësor, që ka qenë i cënuar prej shkurtimit të fondeve gjatë krizës 1-dekadë të gjatë të borxhit. Deri ditën e Martë, Greqia raportoi 4,048 raste të koronavirusit dhe më pak se 200 vdekje. Humbja në prodhim, fuqi punëtore dhe kosto buxhetore prej pandemisë, do të jetë më pak e theksuar se gjatë krizës së broxhit në vend nga viti 2009 në 2016-n. Megjithatë, Organizata për Bashkëpunim dhe Zhvillim Ekonomik, theksoi se rënia në sektorin e turizmit, financat publike dhe investime, përbën një hap mbrapa për rimëkëmbjen afat-gjatë të vendit.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.