Projekt i ri në Bashkinë Tepelenë – Nis rikonstruksioni i rrugës Salari-Nivicë

Fondi Shqiptar i Zhvillimit nëpërmjet një njoftimi në faqen zyrtare ka bërë me dije se do të nis një investim me financim nga Qeveria Shqiptare dhe zbatim nga Fondi Shqiptar i Zhvillimit i cili synon rikonstruksionin e rrugës Salari-Nivicë.

Segmenti rrugor që do t’i nënshtrohet kësaj ndërhyrjeje fillon në dalje të fshatit Salari dhe përfundon në fshatin Nivicë.

Projekti përfshin ndërhyrjet e mëposhtme:

• Asfaltim të rrugës me binder të mbyllur
• Infrastrukturë për largimin e ujërave të shiut
• Ndërtim vepra arti të reja

Aktualisht punimet po vazhdojnë me zgjerimin e trupit të rrugës si dhe punime gërmimi dhe nënshtresash.

Kjo rrugë lidh zonën e Lopësit si dhe Salarinë me Nivicën, duke dalë në det me investimet e tjera që po kryhen në rrugën Gusmar-Kuç dhe Lotin e III të rrugës së Lumit të Vlorës.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.