Projektet për Tiranën në 2020-ën, Veliaj: Buxheti 20.3 miliardë lekë, ja lista e prioriteteve

Rreth 20.3 miliardë lekë do të jetë buxheti për Tiranën gjatë vitit 2020, 11 për qind më i lartë se ai i vitit 20189, dhe do të shkojë për t’i dhënë jetë një sërë projektesh të rëndësishme.

Gjatë prezantimit të draftit në mbledhjen e fundit të Këshillit Bashkiak për këtë vit, kryetari i Bashkisë, Erion Veliaj theksoi se gjatë vitit të ardhshëm do të vijojë puna për projektet , si teatri, piramia, unaza e madhe, kopshti zologjik dhe botanik, zgjerimi i lumit të Lanës, pavarësisht kundërshtive.

Lidhur pasojate tërmetit të 26 Nënttorit,  Veliaj bëri me dije se deri më tani kanë përfituar bonus qeraje rreth 2 mijë familje dhe projekti i rindërtimit do të nisë në ditët e para të vitit, duke filluar nga rijetëzimi i zonave periferike.

Kreu i Bashkisë, ka theksuar se pas kësaj ngjarje është shumëfishuar fondi për emergjencat civile, ndërsa ka shfrytëzuar rastin për t’u bërë apel qytetarëve që të shpenzojnë paratë në zonat e prekur, për të mos lejuar një tërmet ekonomik.

Elisabeta Dosku/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.