Projekti i fiskalizimit/ DPT: Krijohet komisioni i përbashkët për certifikimin e prodhuesve dhe mirëmbajtësve të zgjidhjeve softuerike
Drejtoria e Përgjithshme e Tatimeve ka njoftuar se është miratuar rregullorja e përbashkët në kuadër të projektit të fiskalizimit, midis DPT dhe AKSHI për saktësimin e procedurave mbi certifikimin dhe regjistrimin e prodhuesve dhe mirëmbajtësve të zgjidhjeve softuerike
Sipas njoftimit në zbatim të kësaj rregulloreje është ngritur një grup i përbashkët pune me specialistë sipas fushave përkatëse i cili do të shqyrtojë kërkesat e çdo aplikanti, të dhënat dhe dokumentacionin e paraqitur si dhe vetë zgjidhjen e softuerit.
“Në shoqërim të urdhrit të përbashkët është firmosur edhe rregullorja e përbashkët mbi saktësimin e procedurave të certifikimit me qëllim qartësimin e të gjithë hapave të procesit të certifikimit duke filluar nga aplikimi e deri tek marrja e certifikatës.
Në zbatim të kësaj rregulloreje ngarkohet grupi i përbashkët i punës me specialistë sipas fushave përkatëse i cili do të shqyrtojë kërkesat e çdo aplikanti, të dhënat dhe dokumentacionin e paraqitur si dhe vetë zgjidhjen e softuerit.
Theksojmë se, aplikimi për certifikimin kryhet pranë Agjencisë Kombëtare të Shoqërisë së Informacionit nëpërmjet Platformës së Ndërveprimit Qeveritar e-Albania.
Administrata Tatimore nxit të gjithë subjektet e interesuara që të bëjnë aplikimin për certifikimin duke u bërë kështu pjesë e procesit shumë të rëndësishëm të fiskalizimit,” njofton DPT.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.