Projekti i gazsjellësit IAP, Gjiknuri: Siguria energjetike në rajon me rëndësi. Lu: Gazifikimi sjell më shumë investime për vendin. Vlahutin: Grante për vendet e Ballkanit

Është mbajtur mëngjesin e sotëm një takim i përbashkët i njësisë menaxhuese të projektit IAP.

Në këtë takim, ku ishin të pranishëm Ambasadorët Lu dhe Vlahuti, ministri i Industrisë dhe Energjisë, Damian Gjiknuri ishte i pari ai që mori fjalën duke thënë se Shqipëria ka kontribuuar për ecurinë e projektit TAP, ndërkohë që sipas tij projekti IAP ka hasur disa pengesa teknike.

“Siguria energjetike në rajon ka rëndësi jetike. Projekti IAP ka hasur pengesa teknike. IAP duhet të mbështetet nga dy vende të BE”

Sa i takon projekteve për gazin, gjatë fjalës së tij, Ambasadoru Lu u shpreh se qeveritë kanë treguar mbështetje ndaj TAP:

“Gazsjellësi TAP dhe degëzimi në Ballkan për projektin e ri IAP që pritet të ndërtohet, do të çlirojë Europën nga gazi rus. E ardhmja e mundshme e gazifikimit të ekonomisë sjell më shumë investime, vende të reja pune dhe gaz më të pastër. Konsumatorët duhet të jenë të kënaqur për të paguar më pak për energjinë. SHBA do të vazhdojë, t’iu mbështesë. Gazsjellësi Jonian Adriatik është i rëndësishme sepse mbështetet në bashkëpunimin rajonal. Ju keni mbështetjen e plotë dhe të palëkundur të SHBA.”

Nga ana e saj Ambasadorja Vlahutin u shpreh se BE është themeluese e këtij projekti.

“Ne në BE jemi të kënaqur për sa i përket projekteve të gazit në rajon, sa i takon procesit të ecurisë së TAP. Ne ta bëjmë energjinë më të sigurt dhe më të përballueshme. Te sjellin burimet e Detit Kaspik në tregjet e BE. Gazsjellësi Jonanin- Adriatik do të sjellë të mira për rajonin, i hap vendeve akses në terminalin LNG në Kroaci. Ky projekt është i një rëndësie strategjike dhe përfitime nuk ka vetë BE, por edhe Ballkani Perëndimor. Mbështetja e tepërt te energjia hidrike ka pasur pasoja te kushtueshme. Ky rajon po përmirëson kuadrin rregullator dhe tregtar për më shumë investime. Ka mbështetje politike për të ardhmen, por ajo që po diskutojmë sot ka të bëjë më shumë se sa për furnizimin me energji. Palët e ndryshme në këtë proces duhet t’i përmbahen politikës së BE për energjisë”, u shpreh Vlahutin.

Gjithashtu për projektin e IAP, Vlahutin foli edhe për studimet e financuara dhe grantet që BE do të japë.

 “Gazifikimi i bën vendet e Ballkanit Perëndimor më të lidhura me njëra tjetrën. Reforma e sektorit të energjisë dhe pasja e tregjeve të tilla shkon përtej, janë mundësi për transferimin e teknologjive në vend. Gazsjellësi Jonian- Adriatik, kuadri i investimeve për Ballkanin Perëndimor ka financuar studime dhe do të sjellë grante në vlerën 6 mln Euro. BE do të mbështesë Ballkanin Perëndimor me qëllim që ky projekt të zbatohet në kohën e duhur”, u shpreh Vlahutin.

Osman Dedja/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.