Projekti japonez-A mund t’i bëjë materiali i drurit makinat më të lehta dhe më efiçente?

Shkencëtarët në Japoni po punojnë për të krijuar një një material të fortë druri për të zëvendësuar pjesët e çelikut në automjete brenda një dekade. Po ashtu, ato po përpiqen të përpunojnë edhe pjesët plastike në mënyrë që t’u rezistojnë temperaturave të larta, duke shërbyer kështu si zëvendësuese për pjesët metalike.

Sipas Departamentit Amerikan të Energjisë, një reduktim prej 10 % në peshën e automjeteve mund të reduktojë karburantin deri në 8 %.

Studiuesit thonë se materiali i drurit mund të jetë po aq i fortë sa çeliku, por 80 % më i lehtë. Përzierja e materialit prej druri me plastikën krijon një material të fortë hibrid, që mund të zëvendësojë çelikun në automjete.

Ndërsa ky material po përballet me shumë opsione të lehta konkurrente, Prof. Hiroyuki Yano, drejtues i Universitetit të Kiotos beson se kjo mund të jetë alternativa më praktike.

Ndërkohë, Prof. Tatsuo Kaneko nga Instituti Japonez i Avancuar i Shkencës dhe Teknologjisë po punon për krijimin e plastikës me molekula biologjike.

Kjo e fundit mund të tolerojë temperatura deri në 300C. Kështu, kjo nënkupton edhe më pak mbetje se sa lëndët e tjera në ambjent, duke qenë se është edhe një material lehtësisht i riciklueshëm.

g.d/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.