Projekti për hekurudhën e re Tiranë-Durrës – Pas zvarritjeve, Balluku: Gara hyn në fazën finale, në 21 shtator presim ofertat financiare
Pas shumë vitesh zvarritje, duket se gara për projektin e ndërtimit të linjës hekurudhore Tiranë-Durrës, me degëzim në Aeroportin Ndërkombëtar “Nënë Tereza”, ka hyrë në fazën finale. Lajmi është bërë me dije nga ministrja e Insfrastrukturës deh Energjisë, Belinda Balluku, e cila përmes një postitmi në rrjetet sociale bëri me dije se në datë 21 shtator do presin ofertat financiare, për të përzgjedhur fituesin.
Bisedova me Matteo Colangeli, drejtorin e Bankës Evropiane për Rindërtim dhe Zhvillimi për Shqipërinë, e cila ka qenë partneri ynë që në nisje të këtij projekti. Certifikimi nga ekspertët e BERZH, i çdo hapi që kemi hedhur në këtë proces, është jo vetëm një vlerësim për punën e mirë të bërë deri më tani, por edhe një dëshmi e fortë për një proces transparent.
Në total BERZH do të financojë veprën me një hua prej 36 mln euro, ndërkohë që kosto totale e të gjithë projektit arrin në 90 mln euro. Përverç kredisë së Bankës Evropiane për Rindërtim dhe Zhvillim, 16 mln euro financohen nga buxheti i shtetit, ndërsa 35.4 mln euro janë grant i Bashkimit Evropian. Sipas projektit, linja e rehabilituar Tiranë-Durrës do të lejojë një shpejtësi treni të paktën 100 km/h. Ndërkohë që, linja e re që synohet të shtohet, fillon në km e 27-të nga Durrësi dhe përfundon me një terminal pasagjerësh në Aeroportin “Nënë Tereza”. Pavarësisht se nuk është vendosur ende, çmimi i biletës pritet të kushtojë nga 1-1.2 euro.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.