Projektligji/ Ndryshojnë kriteret për të dhënë mësim, mësuesit që nuk preken
Ndryshimet e parashikuara në projektligjin “Për sistemin arsimor parauniversitar” nuk do të prekin mësuesit që janë aktualisht në sistem.
Xhafer Dobrushi, kryetar nderi i Federatës së Sindikatave të Arsimit dhe Shkencës, ka sqaruar për Gazetën Shqiptare se “Lidhur me ndonjë shqetësim që ka ngjallur ndryshimi i kritereve për t’u punësuar në arsim, duke kërkuar nivele më të larta shkollimi për të gjitha kategoritë e mësuesve, sqarojmë se këto kritere nuk prekin mësuesit që aktualisht janë në sistem me statusin e të punësuarit definitive. Ndryshimet kanë të bëjnë me të rinj që do të punësohen në arsimin parauniversitar në të ardhmen”.
Një javë më parë qeveria miratoi projektligjin e ri për arsimin parauniversitar, ku përcaktohen kushtet për ushtrimin e profesionit të mësuesit. Në të janë përcaktuar kriteret, si dhe institucioni i ngarkuar për emërimin e drejtorëve në arsimin parashkollor. Kliko këtu për lajmin e plotë.
Eralda Zito/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.