Projektligji për penalitetet në Kuvend. Gjobat administrative të mos paguhen pa një vendim përfundimtar nga gjykatat

Është depozituar tashmë në Kuvend një projektligj i cili të lejojë vjeljen e gjobave nga administrate vetëm pasi ankimimi i tyre të ketë marrë formë të prerë nga gjykatat. Ndryshimi është propozuar nga Deputeti i Partisë Demokratike Artur Roshi. Sipas tij është e padrejtë që institucionet e administratës publike detyrojnë qytetarët të shlyejnë gjobat, në raste të caktuara edhe me forcë, në një çast kur për to nuk është shprehur gjykata.

Ne ligjin nr.10 279, date 20.5.2010 “Per kundërvajtjet administrative”, behën disa ndryshime, si me poshtë:

Neni 22 hiqet.

Ne nenin 30, pika 1 ndryshohet si me poshtë:

“Gjoba dhe shumat, qe duhet te paguhen sipas vendimit per kundërvajtjen administrative, te nxjerra ne përputhje me dispozitat e këtij ligji, paguhen nga kundërvajtësi nga data kur vendimi i gjykatës ka marre forme te prere.” propozon Roshi.

Ne nenin 30 te ketij ligji percaktohet se gjobat dhe shumat per kundervajtjen administrative duhet te paguhen nga kundervajtesi brenda 10 diteve, nga data kur: eshte njoftuar kundervajtesi per vendimin e denimit me gjobe, qe perben titull ekzekutiv; vendimi i gjykates ka marre forme te prere.

“Pra, ligji parashikon pagesën e gjobës per kundërvajtjen administrative pa përfunduar periudha e ankimimit ne gjykate nga personi qe presupozohet te ketë kryer kundërvajtjen dhe pa një vendim te gjykatës te formës se prere. Kjo procedure bie ndesh me nenin 30 te kushtetutës, sipas te cilit “kushdo quhet i pafajshëm, përderisa nuk i është provuar fajësia me vendim gjyqësor te formës se prere “, argumenton Roshi në relacionin shoqërues të projektligjit.

Lorenc Rabeta / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.