Prona e konfiskuar nga krimi i organizuar në Shqipëri kthehet në kafe-librari!

Zëvendësministri i Financave dhe Ekonomisë, Elton Haxhi mori mori pjesë në ceremoninë e hapjes së ”Kinfolk Coffee Library”, një sipërmarje sociale e krijuar në një pronë të konfiskuar nga krimi i organizuar në qytetin e Durrësit.

“Një qendër kulturore ku të rinjtë mund të studiojnë, të lexojnë dhe të organizojnë një gamë të gjerë aktivitetesh. Kjo sipërmarrje është krijuar nga projekti “C.A.U.S.E.- Përdorimi i Pronave të Konfiskuara për Sipërmarrje Sociale”, zbatuar nga Partnerët Shqipëri për Ndryshim dhe Zhvillim në bashkëpunim me Agjencinë për Administrimin e Pasurive të Sekuestruara dhe të Konfiskuara, financuar nga Bashkimi Europian” njofton Ministria e Financave.

Në këtë aktivitet morën pjesë dhe Ambasadori i Bashkimit Europian në Shqipëri, Luigi Soreca, zëvendësministri i Brendshëm, Besfort Lamallari, si dhe Kryetarja e Bashkisë Durrës, Znj. Valbona Sako.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.